Krugersdorp

Die Bob van Reenen stadion in Krugersdorp staan al vir die laaste drie jaar leeg. Die verskeie rugby, atletiek en fietsry klubs het in 2005 kennis ontvang om die stadion te ontruim, aangesien die stadsraad besluit het om die stadion aan Kaizer Chiefs te verkoop.

Nou, bykans vier jaar later, gebeur daar niks by die eens prag stadion nie. Met geen onderhoud in vier jaar, is die stadion ook in 'n haglike toestand.

Die ooreenkoms om die stadion op te gradeer vir die sokker klub, is reeds in 2003 gesluit en bouwerk sou in 2006 begin het sodat die stadion gereed kon wees vir die 2010 sokker.

In 'n brief wat Mnr Kobie Botha aan die Krugersdorp nuus gestuur het, beweer hy dat die konstruksie maatskappy Basil Read onttrek het. Verder word beweer dat die swart bemagtigings maatskappy wat betrokke is, Lefika Emerging Equity's, se hoof uitvoerende beampte met die geld die land uit gevlug het.

Die stadsraad hou vol dat die projek voortgaan. Koste wat eers op R690 miljoen gereken was, word nou gereken op R1 biljoen. Sonder hierdie fondse gaan hierdie projek, net soos meeste projekte van die stadsraad, nooit gebeur nie.

Tydens 'n publieke vergadering op 12 Julie 1906 is daar besluit om 'n stadsaal in Krugersdorp te bou. Die gebou sou die musipalekantore, brandweer en biblioteek huisves. Chas Hoskins 'n argitek van Krugersdorp is aangestel om die gebou te ontwerp. Daar is 17 tenders ontvang vir die bouwerk wat uiteindelik toegestaan is aan die maatskappy Robson en Holton.

Die Krugersdorpers was baie geheg aan die gebou. So geheg dat hulle in 1974 baie ontstoke was toe hulle te hore gekom het van planne om die gebou wat nou te klein geword het te sloop en te vervang met 'n nuwe gebou. Die stadsraad het gehoor gegee aan die inwoners en daar is eerder aan die Weste en Ooste kante aan gebou aan die bestaande struktuur. Die brandweer en biblioteek is ook verskuif.

Die groot wit gebou is 'n ware landmerk en word selfs deur lugvaart gebruik as 'n baken.

Sedert die ANC se oorname in 1994, is die enigste verbeterings wat aan gebring is, die instalering van 'n hyser vir die burgermeenster se persoonlike gebruik. Dit is gedoen teen 'n enorme koste en was nodig omdat die burgermeester nie die een verdieping trappe wou klim nie.

Ook het die stadsraad 'n standbeeld van die mitiese figuur Mogale voor die stadsraad aangebring in 'n poging om geskiendenis te skep wat nie voorheen bestaan het nie.